Ein Gedicht von Günter Hussong, selbst TT-Spieler bei den Senioren des TTC Kirkel,  das in der "Ehrenamt-News" 4/2000 des LSVS veröffentlicht wurde. Damit ist wohl alles zum Thema Ehrenamt "uff gudd saarlännisch" gesagt, was notwendig ist! Viel Spaß damit wünscht Udo. ;-)
Unn duun mich nicht versetze,
denn Peschtcher gibt's immer se besetze!

Peschtcheskram

Willscht im Lääwe du kenn Huddel,
unn nett stännig Kuddelmuddel,
dann kann ich nur eens deer saan:
nemm joo niemals e Peschtche an.
Was bassiert dann, wann de's hascht?
Nur Arwet haschde unn die Lascht.

Willschte allzufrieh nett stäärwe
- freije duun sich nur die Erwe -
geh allseläbdaa immer stifte
unn du jeder sofort lifte,
wo ganz glattig deer verzappt,
dass ohne dich der Kram nett klappt.

Viel besser hann's doch doo die Leit,
wo uff Droht sinn unn gescheit,
gebt's Arwet, duun die sich verdricke,
unn losse sich dann heegstens blicke
fa se stänk're unn se lache,
was fa Mischt die ann're mache.

Die spare Kraft unn Geld und Zeit,
sinn respekteert vunn alle Leit.
Die denke sich ganz unscheneert:
Wer nix macht, macht nix verkehrt.
An Peschtcher nemme die nur so'ne,
wo sich finanziell aa lohne.

Doch duusche dich fa ebbes melle,
kannsche nimmie eenfach schelle.
Do musche renne, musche schaffe,
nett nur eenfach stehn unn gaffe.
Unn wieviel Zeit duut emm das koschte,
im Vereinsche so e Poschte!

Unn doch wird iwwer die gerätscht,
fa's halwe Dorf bischt du de Letscht.
Jeder Däärmel, jeder Klowe,
därf grammetschele unn dowe.
Alles, was du machscht, iss schlecht,
nur sie, sie sinn am allerbescht.

Unn doch, sei stolz, loss die nur schwätze,
loss se stippele unn hetze.
Was wär das doch fa e Gejomer,
gäb's Drickeberjer nur unn Stromer.
Die hann uns noch nie weiterbrung,
meer brauche Leit mett Spaß unn Schwung!

Günter Hussong

Die Homepage von Günter Hussong: www.mundart-saar.de